Deepika
ADVERTISEMENT
Kerala
കുട്ടിക്കാനം: മരിയൻ കോളജിലെ മരിയൻ ഇൻസ്റ്റിറ്റ്യൂട്ട് ഓഫ് മാനേജ്മെന്റിന്റെ ആഭിമുഖ്യത്തിൽ ‘സുസ്ഥിതിയിലേക്കുള്ള ബിസിനസ് പരിവർത്തനം’ എന്ന വിഷയത്തിൽ ഇന്നും നാളെയും അന്തർദേശീയ സമ്മേളനം നടക്കും.
ഇന്നു രാവിലെ 9.30ന് ഡോ. രാജു നാരായണ സ്വാമി ഉദ്ഘാടനം നിർവഹിക്കും. ഐസിഎസ്എസ്ആർ ഡെപ്യൂട്ടി ഡയറക്‌ടർ ഡോ. മല്ലികാ ശങ്കർ വിശിഷ്ടാതിഥിയാണ്.
ഭാരതീയ ജ്ഞാന പരമ്പരയുടെ മാസ്റ്റർ ട്രെയിനർ ഡോ. ഭരത് ദാസ്, യൂണിവേഴ്സിറ്റി ഓഫ് മലേഷ്യയിലെ സീനിയർ ലെക്ചർ ഡോ. ഓയിക്കോക്ക് ലോങ് എന്നിവർ പ്രഭാഷണം നടത്തും. കോളജ് മാനേജർ ഫാ. ബോബി അലക്സ് മണ്ണംപ്ലാക്കൽ അധ്യക്ഷത വഹിക്കും.
മാനേജ്മെന്റ് വിഭാഗം ഡയറക്‌ടർ ഡോ. ടി.വി. മുരളി വല്ലഭൻ, വൈസ് പ്രിൻസിപ്പൽ റവ. ഡോ. കെ.എസ്. ഷൈജു, കോൺഫറൻസ് സ്റ്റാഫ് കോ-ഓർഡിനേറ്റർ ഡോ. ജോഷിജ ജോസ് എന്നിവർ പ്രസംഗിക്കും. 19 രാജ്യങ്ങളിൽനിന്നായി 51 വിദേശീയർ ഉൾപ്പെടെ 169 പ്രതിനിധികൾ സമ്മേളനത്തിൽ പ്രബന്ധങ്ങൾ അവതരിപ്പിക്കും.
Kerala
തലശേരി: സീറോമലബാർ സഭയുടെ സമുദായ സംഘടനയായ കത്തോലിക്ക കോൺഗ്രസ് രൂപീകൃതമായിട്ട് 108 വർഷങ്ങൾ. സംഘടനയുടെ 108-ാം വാർഷികാഘോഷങ്ങൾ ജന്മദിനമഹാറാലി, അന്താരാഷ്ട്ര സമ്മേളനം തുടങ്ങി വിപുലമായ പരിപാ‌ട‌ികളോടെ മാർച്ച് 13,14 തീയതികളിൽ കണ്ണൂരിൽ നടക്കും. ആഘോഷങ്ങളുടെ സംഘാടകസമിതിയുടെയും സ്വാഗതസംഘത്തിന്‍റെയും ഉദ്ഘാടനം തലശേരി അതിരൂപത കേന്ദ്രത്തിൽ ആർച്ച്ബിഷപ് മാർ ജോസഫ് പാംപ്ലാനി നിർവഹിച്ചു. കത്തോലിക്ക കോൺഗ്രസ് പ്രസിഡന്‍റ് രാജീവ് കൊച്ചുപറന്പിൽ അധ്യക്ഷത വഹിച്ചു.
കണ്ണൂരിൽ നടക്കുന്ന സമുദായ സംഗമത്തിന്‍റെ വിജയത്തിനായി 501 അംഗ സംഘാടകസമിതി രൂപീകരിച്ചു. കുടിയിറക്കപ്പെടുന്ന കർഷകസമൂഹം, ഹനിക്കപ്പെടുന്ന മതസൗഹാർദം, വികസനവിരുദ്ധ രാഷ്ട്രീയ നിലപാടുകൾ എന്നീ വിഷയങ്ങളും അനുബന്ധ വിഷയങ്ങളും ഉയർത്തിപ്പിടിച്ചു നടത്തുന്ന ജന്മദിന മഹാറാലിയിലും സമ്മേളനത്തിലും തലശേരി അതിരൂപതയിൽനിന്നു മാത്രം ഒരു ലക്ഷത്തിലധികമാളുകളെ പങ്കെടുപ്പിക്കാൻ മാർ ജോസഫ് പാംപ്ലാനി ആഹ്വാനം ചെയ്തു. പരിപാടികളുടെ വിജയത്തിനായി അതിരൂപതയിലെ 18 ഫൊറോനകളിലും ഫൊറോനാതല സംഘാടകസമിതിയും ഓരോ ഇടവകയിലും ഇടവകതല സംഘാടക സമിതികളും രൂപീകരിക്കും.
സീറോമലബാർ സഭയിലെ എല്ലാ രൂപതകളിൽനിന്നും ഇന്ത്യക്ക് പുറത്തുള്ള രാജ്യങ്ങളിൽനിന്നുമുള്ള സമുദായ അംഗങ്ങളും കർഷകരും പങ്കെടുക്കും. സമുദായത്തിന്‍റെ അവകാശങ്ങൾ ഹനിക്കപ്പെടുമ്പോഴും വിവിധ അധിനിവേശങ്ങൾ ഉണ്ടാകുമ്പോഴും സമുദായശക്തി ഒറ്റക്കെട്ടായി പോരാടുന്ന വേദിയായി മഹാസംഗമം മാറുമെന്ന് രാജീവ് കൊച്ചുപറമ്പിൽ അധ്യക്ഷപ്രസംഗത്തിൽ പറഞ്ഞു. പൊതുസമൂഹം നേരിടുന്ന വൈവിധ്യമാർന്ന പ്രശ്നങ്ങളെ അതിജീവിക്കാനുള്ള ഇച്ഛാശക്തിയും കരുത്തും പ്രകടിപ്പിക്കുന്നതാകും മഹാറാലിയും ജന്മദിന സമ്മേളനവുമെന്ന് കത്തോലിക്ക കോൺഗ്രസ് ഗ്ലോബൽ ഡയറക്‌ടർ ഫാ. ഡോ. ഫിലിപ്പ് കവിയിൽ പറഞ്ഞു.
മാർച്ച് 13ന് പതാകപ്രയാണവും ഛായാചിത്ര പ്രയാണവും നടക്കും. വൈകുന്നേരം അഞ്ചിന് സമ്മേളന നഗരിയിൽ പതാക ഉയർത്തൽ. തുടർന്ന് കേന്ദ്ര വർക്കിംഗ് കമ്മിറ്റി ചേരും. 14ന് രാവിലെ പത്തിന് കേന്ദ്ര പ്രതിനിധിസഭാ സമ്മേളനം നടക്കും.
44 രാജ്യങ്ങളിൽനിന്നുള്ള പ്രതിനിധികളും എല്ലാ രൂപതകളിൽനിന്നുമുള്ള ഭാരവാഹികളും പങ്കെടുക്കും. ഉച്ചകഴിഞ്ഞ് 2.30ന് കണ്ണൂരിൽ ലക്ഷങ്ങൾ പങ്കെടുക്കുന്ന മഹാറാലി. തുടർന്ന് നടക്കുന്ന അന്താരാഷ്ട്ര സമുദായ സമ്മേളനത്തിൽ സഭാമേലധ്യക്ഷന്മാരും സമുദായ നേതാക്കളും സമുദായത്തിന്‍റെ സാമൂഹ്യ, രാഷ്ട്രീയ അവകാശങ്ങൾ പ്രഖ്യാപിക്കും. വിവിധ ഫ്ലോട്ടുകളുടെ അകമ്പടിയോടെയുള്ള റാലിയിൽ എല്ലാ രൂപതകളിൽനിന്നുമുള്ള സമുദായാംഗങ്ങളും പങ്കെടുക്കും.
സംഘാടക സമിതി-സ്വാഗതസംഘം രൂപീകരണ യോഗത്തിൽ തലശേരി അതിരൂപത ജനറാൾമാരായ മോൺ. ആന്‍റണി മുതുകുന്നേൽ, മോൺ. സെബാസ്റ്റ്യൻ പാലാക്കുഴി, മോൺ. മാത്യു ഇളംതുരുത്തിൽപടവിൽ, ചാൻസലർ റവ. ഡോ. ജോസഫ് മുട്ടത്തുകുന്നേൽ, ഭാരവാഹികളായ അഡ്വ. ടോണി പുഞ്ചക്കുന്നേൽ, പ്രഫ. കെ.എം. ഫ്രാൻസിസ്, ഫിലിപ്പ് വെളിയത്ത്, ബെന്നി ആന്‍റണി, രാജേഷ് ജോൺ, ജിമ്മി അയിത്തമറ്റം, അഡ്വ . ഷീജ സെബാസ്റ്റ്യൻ, പീയൂസ് പറയിടം, ജയ്സൺ പട്ടേരി, സുരേഷ് കാഞ്ഞിരത്തിങ്കൽ എന്നിവർ പ്രസംഗിച്ചു.
കത്തോലിക്ക സമുദായത്തിന്‍റെ സാമൂഹികവും സാംസ്കാരികവും രാഷ്‌ട്രീയവുമായ അവകാശങ്ങൾ നേടിയെടുക്കുന്നതിനുവേണ്ടിയും പൊതുസമൂഹത്തിന്‍റെ ആവശ്യങ്ങളിൽ ഇടപെടുന്നതിനുവേണ്ടിയും 1918 ലാണ് കത്തോലിക്ക കോൺഗ്രസ് രൂപീകരിച്ചത്.
Kerala
കൊച്ചി: ജലാശയങ്ങളിലെ കുളവാഴ ശല്യത്തിനു ശാശ്വത പരിഹാരം കണ്ടെത്തുകയെന്ന ലക്ഷ്യത്തോടെ കൊച്ചി ജെയിന് സര്വകലാശാലയുടെ ‘ഫ്യൂച്ചര് കേരള മിഷന്’ സംഘടിപ്പിക്കുന്ന രാജ്യാന്തര സമ്മേളനം (ഹയാക്കോണ്‍ 1.0) ആരംഭിച്ചു. കൊച്ചി കാമ്പസിൽ നടക്കുന്ന ത്രിദിന സമ്മേളനം കേന്ദ്ര മന്ത്രി ജോര്ജ് കുര്യന് ഉദ്ഘാടനം ചെയ്തു.
ഫ്യൂച്ചര് കേരള മിഷന് ചെയര്മാന് പ്രഫ. വേണു രാജാമണി അധ്യക്ഷത വഹിച്ചു. രമേശ് ചെന്നിത്തല എംഎല്എ, ഹൈബി ഈഡന് എംപി, ജയിന് യൂണിവേഴ്സിറ്റി ന്യൂ ഇനിഷ്യേറ്റീവ്സ് ഡയറക്ടര് ഡോ. ടോം ജോസഫ്, പ്രൊ വൈസ് ചാന്സലര് ഡോ ജെ. ലത എന്നിവർ പ്രസംഗിച്ചു.
കുളവാഴയില് നിന്നുള്ള മൂല്യവര്ധിത ഉത്പന്നങ്ങളുടെയും അനുബന്ധ യന്ത്രസാമഗ്രികളുടെയും പ്രദര്ശനം ഇന്ത്യന് ബംഗ്ലാദേശ് ഹൈക്കമ്മീഷണര് റിയാസ് ഹമീദുള്ള ഉദ്ഘാടനം ചെയ്തു.
സമ്മേളനത്തിന്റെ ഭാഗമായി കൊച്ചി ജെയിന് സര്വകലാശാലയും സിഫ്റ്റും തമ്മിലുള്ള അക്കാദമിക് ധാരണാപത്രം കൈമാറി. സിഫ്റ്റ് ഡയറക്ടര് ഡോ. ജോര്ജ് നൈനാന്, ജെയിന് സര്വകലാശാല പ്രോ വൈസ് ചാന്സലര് ഡോ. ജെ. ലത എന്നിവര് ധാരണാപത്രത്തില് ഒപ്പുവെച്ചു.
കേരള സംസ്ഥാന തണ്ണീര്ത്തട അഥോറിറ്റി, എംപെഡ, ട്രാന്സ് വേള്ഡ്, കേളചന്ദ്ര എന്നിവരുടെ സഹകരണത്തോടെയാണ് സമ്മേളനം സംഘടിപ്പിക്കുന്നത്.ഹയാക്കോണിന്റെ രണ്ടാം ദിനത്തിൽ കൃഷിമന്ത്രി പി. പ്രസാദ് പങ്കെടുക്കും
Kerala
കൊച്ചി: കൊച്ചി ജെയിൻ സർവകലാശാല ഫ്യൂച്ചർ കേരള മിഷൻ രാജ്യാന്തര സമ്മേളനം (ഹയാക്കോൺ 1.0 ) സംഘടിപ്പിക്കുന്നു.
എട്ടുമുതൽ പത്തുവരെ സർവകലാശാല കൊച്ചി കാമ്പസിലാണു സമ്മേളനം. ജലാശയങ്ങളിൽ കുളവാഴകൾ സൃഷ്ടിക്കുന്ന പാരിസ്ഥിതിക വെല്ലുവിളികൾക്കു പരിഹാരം കാണുന്നതിനും അവയുടെ ഫലപ്രദമായ മൂല്യവർധനവിനും വിനിയോഗത്തിനുമായുള്ള നൂതന മാർഗങ്ങൾ ചർച്ച ചെയ്യും. സംസ്ഥാന തണ്ണീർത്തട അഥോറിറ്റി, എംപെഡ, ട്രാൻസ് വേൾഡ് എന്നിവയുടെ സഹകരണത്തോടെയാണു സമ്മേളനം നടത്തുന്നത്.
എട്ടിന് ഉച്ചകഴിഞ്ഞു മൂന്നിന് കേന്ദ്രമന്ത്രി ജോർജ് കുര്യൻ സമ്മേളനം ഉദ്ഘാടനം ചെയ്യും. രമേശ് ചെന്നിത്തല എംഎൽഎ, ഹൈബി ഈഡൻ എംപി എന്നിവർ വിശിഷ്ടാതിഥികളായിരിക്കും.
കുളവാഴയിൽനിന്നുള്ള മൂല്യവർധിത ഉത്പന്നങ്ങളുടെയും ബന്ധപ്പെട്ട മെഷീനറികളുടെയും പ്രദർശനത്തിന്റെ ഉദ്ഘാടനം മന്ത്രി റോഷി അഗസ്റ്റിൻ നിർവഹിക്കും.
District News
മാന്നാർ: കഴിഞ്ഞ രണ്ടു ദിവസങ്ങളിലായി പരുമല ഡിബി പമ്പ കോളജിൽ നടന്നുവന്ന രാജ്യാന്തര കോൺഫറൻസ് സമാപിച്ചു. സുവോളജി ബോട്ടണി വകുപ്പുകളുടെ നേതൃത്വത്തിൽ കേരള സംസ്ഥാന ജൈവ വൈവിധ്യ ബോർഡിന്റെ സഹകരണത്തോടെ നടന്ന കോൺഫറസിന്റെ സമാപന സമ്മേളനം കുസാറ്റ് രജിസ്ട്രാർ പ്രഫ. എ.യു. അരുൺ ഉദ്ഘാടനം ചെയ്തു.
പ്രിൻസിപ്പൽ പ്രഫ. എസ്. സുരേഷ് അധ്യക്ഷനായിരുന്നു. ചടങ്ങിൽ മുൻ പ്രിൻസിപ്പൽ ഡോ. എസ്. ശ്രീകല., ഡോ. എസ്. വാണി , ഡോ. വി.കെ. ജയിംഷ റാണി, ഡോ. ടി.എസ്. ജിൻസി, സെനറ്റ് അംഗം എം.എസ്. ഉണ്ണി, ഡോ. എസ്. സത്യജിത്ത്, കെ.കെ.ഹരിലാൽ, ജി. കാവ്യ എന്നിവർ പ്രസംഗിച്ചു. 102 പ്രബന്ധങ്ങൾ അവതരിപ്പിച്ച കോൺഫറസ് വൻ വിജയവും മാതൃകാപരവുമാണെന്ന് കുസാറ്റ് രജിസ്ട്രാർ അഭിപ്രായപ്പെട്ടു. മികച്ച പ്രബന്ധാ വതരണത്തിനുള്ള പുരസ്കാരം പ്രഫ. എ.യു. അരുൺ നിർവഹിച്ചു.
District News
അരുവിത്തുറ: സയൻസ്, സോഷ്യൽ സയൻസ്, ടെക്നോളജി മേഖലകളിലെ സമീപകാല മുന്നേറ്റങ്ങളെ ആസ്പദമാക്കി അരുവിത്തുറ സെന്റ് ജോർജ് കോളജ് ഇന്റേണൽ ക്വാളിറ്റി അഷ്വറൻസ് സെല്ലിന്റെ ആഭിമുഖ്യത്തിൽ ദിദ്വിന അന്തർദേശീയ കോൺഫറൻസ് "ഐക്രാസ്റ്റ് 2025' ആരംഭിച്ചു.
കോൺഫറൻസിന്റെ ഉദ്ഘാടനം സിഡിറ്റ് മുൻ ഡയറക്ടറും കേരള സർവകലാശാല ബയോ ഇൻഫോർമാറ്റിക്സ് വിഭാഗം മേധാവിയുമായിരുന്ന പ്രഫ. ഡോ. അച്യുത് ശങ്കർ എസ്. നായർ നിർവഹിച്ചു. നിർമിതബുദ്ധിയുടെ മുന്നേറ്റത്തിൽ നൈതികതയും ധാർമികതയും ചർച്ചയാവണമെന്ന് അദ്ദേഹം പറഞ്ഞു.
കോളജ് മാനേജർ റവ. ഫാ. സെബാസ്റ്റ്യൻ വെട്ടുകല്ലേൽ അധ്യക്ഷത വഹിച്ച ഉദ്ഘാടന സമ്മേളനത്തിൽ പ്രിൻസിപ്പാൾ പ്രഫ. ഡോ. സിബി ജോസഫ്, കോഴ്സ് കോഓർഡിനേറ്ററും ബർസാറുമായ റവ. ഫാ. ബിജു കുന്നയ്ക്കാട്ട്, വൈസ് പ്രിൻസിപ്പാൾ ഡോ. ജിലു ആനി ജോൺ, ഐക്യുഎസി കോഓർഡിനേറ്ററും കോൺഫറൻസ് കൺവീനറുമായ ഡോ. സുമേഷ് ജോർജ് തുടങ്ങിയവർ സംസാരിച്ചു.
കോൺഫറൻസിന്റെ പ്ലീനറി സെഷനിൽ കൊച്ചിൻ സർവകലാശാല അഡ്വാൻസ്ഡ് സെന്റർ ഫോർ അറ്റ്മോസ്ഫിയറിക് റഡാർ റിസർച്ചിലെ സയന്റിസ്റ്റ് ഡോ. കെ.എസ്. അജിൽ, സെൻട്രൽ യൂണിവേഴ്സിറ്റി ഓഫ് കേരള മുൻ വൈസ് ചാൻസിലർ പ്രഫ.ഡോ. വിൻസന്റ് മാത്യു എന്നിവർ പ്രഭാഷണം നടത്തി.
കേരളത്തിനകത്തും പുറത്തുമുള്ള സയൻസ് സോഷ്യൽ സയൻസ് മേഖലയിലെ വിദഗ്ധർ ചെയർ ചെയ്യുന്ന തുടർന്നുള്ള സെഷനുകളിൽ നിരവധി സ്ഥാപനങ്ങളിൽ നിന്നുള്ള അധ്യാപകരും ഗവേഷണ വിദ്യാർഥികളും ഗവേഷണ പ്രബന്ധങ്ങൾ അവതരിപ്പിക്കും. കോൺഫറൻസ് ചൊവ്വാഴ്ച സമാപിക്കും
ADVERTISEMENT
ADVERTISEMENT
SPACE FOR ADVERTISEMENT
Copyright © 2026, Rashtra Deepika Ltd. All Rights Reserved.
Design and Development 
Corehub Solutions
Contact Numbers :
+91 481 2566706, 2566707, 2566708
About Us Feedback Privacy Policy Terms and Conditions for Online Payment
E-paper LOGIN
LOGIN